كب كيك بالألوان ..

ببدأ معكم المقادير والطريقه مع الصور ..

كيك فانيلا ممكن انكم تسونه انتم تلقون طريقته هنا في وصفة كيك الفانيلا بالتوفي او انكم تسوون كيك بيتي كروكر الجاهز وتحطونه في صينية الكب كيك وتحطون عليه نقطه من كل لون وتخلطونه بعود اسنان ويصير لكم زي ماتشوفونه في الصوره ..

كريمة تزيين الكيك بنكهة الفانيليا شوكولا نوتيلا ألوان طعام أحمر - اصفر - أزرق - أخضر << تلقونها في قسم الكيك في السوبرماركت حلويات و سكر ملون لتزيين الكيك


نبدا نجهز الكريمة لتزيين الكيك ..لا تكثرون من اللون حطوا نقطه صغيره بس وقلبوا كويس الين ماتوصلون لدرجة اللون اللي حابينها فاتح - غامق - فسفوري .. اللي تبون و اخلطوا زي ما انتوا حابين احمر + اصفر = برتقالي احمر + ازرق = بنفسجي

و هكزا


نخبز الكيك و يصير شكله حلو لما ينتفش اللون

بعد ما يبرد الكيك تماما نبدا عملية التزيين لو كان الكيك حار او دافي راح تسيح الكريمه فوقة و يخرب الشكل تفننوا و استمتعوا بالتزيين

بالعافية ..

كب كيك شوكلت ..

طريقة الكيكه :

نصف كوب زيت + ثلاث ارباع كوب سكر تخلط مع بعض

يضاف عليها 3 بيضات + 3 ملاعق كبار شوكلاته بوده

يضاف كوب حليب سائل + كوب ونصف دقيق وتخلط جيدا ثم يضاف ملعقه كبيره ونص بكنج بودر

نحظر ورق البليسيه في صينية كب كيك وتوضع الكيكه الى ثلاث ارباع الورق ثم تخبز في فرن حرارته 180

لمدة ربع ساعه او 20 دقيقه ..

مقادير الكريمه :

علية كريم كراميل + كوب حليب يغلى على النار ويوضع على علبة يسكوت شاي مطحون + علبة قشطة + ربع كوب سكر مطحون تخلط جميع المقادير جيدا الى ان تتجانس ثم توضع فوق الكيك وترش ببودرة الشوكلاته ..

كفتة الدجاج ..

4حبات بطاطس متوسطه مسلوقه ومهروسه

قطعه من صدر الدجاج مسلوق ومقطع صغير

علبة جبن كرافت شدر مبشوره مقدار كوب واحد

3 ملاعق جبن سائل

3 ملاعق مايونيز

بقدونس + ملح + فلفل اسود

تخلط جميع المقادير مع بعض وتكور ثم تغمس في بيض وبقسماط وتقلى في زيت غزييييير ..

وبس مافي اسهل منها وطعمها خطيييير اتمنى تجربونها ..

كيكة الفانيلا بالتوفي ..

المقادير :

كاس ونص دقيق

نص كاس زيت

نص كاس سكر

3 بيضات

ملعقه كبيره فانيلا

كاس حليب سائل

ملعقة كبيره بكنج بودر




الطريقه :

1- نخلط السكر مع الزيت بالخلاط .

2- نحط البيض على الزيت والسكر ونحط فانيلا ونخفقهم .

3- نحط الحليب على الخليط السابق ونخلطه ثم نحط الدقيق والبكنج بودر

4- ناخذ صينيه فرن وسط وندهنا بالزيت ونصب الكيكه فيها

5- ندخلها الفرن على درجه حراره 180 لمدة 20 دقيقه بعدها نروح نشوفها اذا ستوت وتحمرت الجوانب نطفي النار الي تحت ونحمرها من فوق واذا بعد ال20 دقيقه ما استوت خليها لين تتحمر .



خلطة التوفي :

1 اصبع زبدة

نص كاس سكر

كاس حليب محمص

3 بيضات


اخلطيهم في الخلاط الكاس وحطيه على الكيكه ..



اتمنى تعجبكم وتسونهاا تراها خطييييره ..

فوتشيــــــــــــني ..

كيس مكرونا فوتشيني يسلق مع ملح وشوي زيت ..

تقطع 3 بصلات الى شرائح طويله وتقلى على النار في شوي زيت وونحط معه الدجاج

ثم الماجي حبتين نخليه على النار لين يستوي الدجاج وينشف الماء الي فيه وبعدها نحط الفلفل البارد مقطع شرائح طويله واذا حبيتي فلفل ملون يطلع شكله احلى وفطر ( مشروم ) مقطع بعد مايذبل الفلفل شوي نطفي على النار

بعدها ناخذ المكرونا ونحطها على الدجاج ونخلطهم مع بعض وبعدين نحطها في صينية فرن ونصب عليها كريمة خفق الحجم الوسط ونرشها من فوق بجبن موزاريلا .. ندخلها الفرن من تحت تقريبا ربع ساعه وبعدها نحمرها شوي من فوق ... وبس بالعآآآآفية ..

توست بالدجـــاج ..

بسم الله ...

بصل مفروم حمسته في شوي زيت وحطيت معه صحن صدور دجاج مقطع صغير ثم حطيت حبتين ماجي ونص ملعقة صغيره بهار وملعقه صغيره صلصل وفلفل أخضر خليته على النار لين استوى الدجاج بعد ماطفيت عليه حطيت ملعقتين مايونيز
اخذت شريحة توست ومسحتها اول بجبن سايل وحطيت عليها الحشوه وغطيتها بطبقه ثانيه ومسحت عليها بعد من فوق جبن ثم حطيتهم في صينيه فرن وحمرتها من تحت وفوق ..

وهذا شكلها بعد ماتحمرت ... بالعآآآفية ..

مصقـــعة ...

بسم الله الرحمن الرحيم ..

بما انه اول شي لي هنا حبيت يكون شي فيه من ابتكاراتي الخنفشاريه خخخخخ << الله والابتكارات ..المهم هذي طريقتي في المصقعه ولاني احبها مررره عشان كذا فنتقت عليها وحست فيها بعض الحوسات إليكم الطريقه مع الصور ..

3 حبات باذنجان مقطعه ومقليه في الزيت ..

بصل مفروم نقليه في زين قليل مررره ونحط معه لحم مفروم لين يستوي وتنشف المويه الي فيه نحط عليه 3 حبات طماط نخلطهم في خلاط الكاس ثم نحط ملعقه صغيره صلصله طماطم وملح وفلفل اسود نخلطهم ونخليه على النار ليييين تنشف المويه كلهاا ثم نحط كسبرة مفرومه ونشيلها من على النار ونحطها على الباذنجان

نقطع 3 حبات بطاطس متوسطه الحجم ونقليها في الزيت ونحطه على حشوة اللحم

فلفل أخضر + سر النكهه << الله والسر خخخ علبة قشطه وعلبة حليب مركز ( حليب بوني ) و3 ملاعق كبار جبن سايل ..ندخلها الفرن من تحت شوي ونحمرها خفيف من فوووق



وبس بالعافية ..